జర్మనీ:జర్మనీలో భారీ పేలుడు సంభవించింది. దక్షిణ జర్మనీలో ఉన్న పెట్రోలియం శుద్ధికర్మాగారంలో జరిగిన పేలుడులో 8 మంది తీవ్రంగా గాయపడ్డారు. పేలుడు ధాటికి కొన్ని కిలోమీటర్ల మేర భూమి కంపించింది. వెంటనే అప్రమత్తమైన అధికారులు పరిసర ప్రాంతాల్లోని సుమారు 2000 మందిని సురక్షిత ప్రాంతాలకు తరలించారు. స్థానిక కాలమానం ప్రకారం ఉదయం 5.30గంటలకు కర్మాగారంలో పేలుడు సంభవించింది. బేయర్న్ ఆయిల్ గ్రూపుకు సంబంధించిన కంపెనీగా అధికారులు చెబుతున్నారు. గాయపడ్డవారిని హాస్పిటల్‌కు తరలించారు. పరిస్థితిని అదుపులోకి తెచ్చేందుకు 200 మంది ఫైర్ ఫైటర్స్ ని వినియోగించారు.