అబు ధాబి: రోడ్డుపై వాహనాలు వెళుతున్న సమయంలో రాడార్‌ ఫ్లాష్‌ లైట్‌ వెలుగుతుండడం పట్ల వాహనదారులు ఆందోళన చెందుతున్నారు. ఈ నేపథ్యంలో అబుదాబీ పోలీస్‌, వాహనదారులను ఉద్దేశించి ఓ వివరణను ఇచ్చారు. ఆ వివరణలో, కొత్త టెక్నాలజీ ద్వారా వాహనాల నెంబర్‌ ప్లేట్లను గుర్తించడం జరుగుతోందనీ, తద్వారా ట్రాఫిక్‌ ఫ్లో మరియు వాహనాల సంఖ్యను మానిటరింగ్‌ చేయడమే ఈ రాడార్‌ కెమెరాల ఉద్దేశ్యమని పేర్కొన్నారు పోలీసులు. ఈ ఫ్లాష్‌ లైట్‌ ద్వారా వాహనాల్ని క్యాచ్‌ చేసి, జరీమానాలు విధించే అవకాశం లేదని పోలీసులు స్పస్టం చేశారు. ఇదిలా వుంటే ఎడిపి వెబ్‌సైట్‌ని దర్శించి వాహనదారులు స్పీడ్‌ లిమిట్స్‌ గురించి తెలుసుకోవాలనీ, స్పీడ్‌ లిమిట్స్‌కి అనుగుణంగా వాహనాలు నడపడం మంచిదని పోలీసులు సూచించారు.