యూఏఈ: వాహనదారులను ఉద్దేశించి నేషనల్‌ సెంటర్‌ ఫర్‌ మిటియరాలజీ (ఎన్‌సిఎం) సూచనలతో కూడిన హెచ్చరిక జారీ చేసింది. రోడ్లపై పూర్‌ విజిబిలిటీ వుంటుందనీ, డస్ట్‌ ఎక్కువగా పైకి లేస్తుందనీ ఈ కారణంగా ప్రమాదాలు జరిగే అవకాశం వుందని ఆ హెచ్చరికలో పేర్కొంది ఎన్‌సిఎం. ఓ మోస్తరు నుంచి కాస్త ఎక్కువగానే డస్ట్‌, కోస్టల్‌ ఏరియాల్లోనూ ఇంటర్నల్‌ ఏరియాస్‌లోనూ వుంటాయనీ, ఈ కారణంగా 2,000 మీటర్ల కంటే తక్కువకు విజిబిలిటీ లెవల్స్‌ పడిపోతాయని పేర్కొంది. ఇదిలా ఉంటే, రానున్న రోజుల్లో ఉష్ణోగ్రతలు తగ్గుముఖం పట్టనున్నాయి. ఇప్పటికే సాయంత్రం, ఉదయం వేళల్లో ఉష్ణోగ్రతలు తగ్గడంతో ఆ సమయాల్లో బయటకు వచ్చేవారి సంఖ్య పెరుగుతోంది. కొద్ది వారాల్లోనే ఉష్ణోగ్రతలు 2 నుంచి 3 డిగ్రీల వరకు తగ్గుతాయి. అయితే హ్యుమిడిటీ లెవల్స్‌ ఎక్కువగా వుండడం, పగటి పూట ఉష్ణోగ్రతలు ఎక్కువగా నమోదవడం మామూలేనని ఎన్‌సిఎం పేర్కొంది. బుధవారం 2 డిగ్రీల మేర ఉష్ణోగ్రతలు తగ్గవచ్చు.