ఏడాది తర్వాత నటుడు, డైరెక్టర్ రవిబాబు లైమ్‌లైట్ లోకి వచ్చేశాడు. ఆయన డైరెక్ట్ చేసిన 'అదుగో' మూవీ ట్రైలర్ ని వినాయకచవితి సందర్భంగా రిలీజ్ చేశాడు. దాదాపు రెండు నిమిషాల నిడివిగల వీడియోలో బంటీ (పంది పిల్ల) చేసిన హంగామా అంతాఇంతా కాదు. మనుషులను ఆటపట్టించడమేకాదు.. డ్యాన్సుల వంటి రకరకాల విన్యాసాలు చేసింది. అల్లరి మూకల ఆట కట్టించింది కూడా!

అనుకోని పరిస్థితుల్లో ఓ గ్యాంగ్‌కి చిక్కిన బంటీ వాళ్ల నుంచి ఎలా తప్పించుకుంది? బంటీతో ఫ్రెండ్‌షిప్ చేసిన కుర్రాడు ఎవడు? రవిబాబుతోపాటు అభిషేక్‌వర్మ, నభా నటేష్ ఇందులో కీలకపాత్రలు పోషించారు. ఇందులో డైరెక్టర్ రవిబాబు పాత్ర ఏమిటో తెలియాలంటే సినిమా రిలీజయ్యే వరకు సస్పెన్స్ తప్పదు.