షార్జా:షార్జా డ్రైవింగ్‌ ఇన్‌స్టిట్యూట్‌, డిజర్ట్‌ వెహికిల్స్‌కి డ్రైవర్‌ లైసెన్సుల్ని ప్రకటించింది. డెసర్ట్ సఫారీ టూరిజం కంపెనీలకు సైతం లైసెన్సుల్ని మంజూరు చేయనున్నారు. సెప్టెంబర్‌ 16 నుంచి ఈ లైసెన్సులు అందుబాటులోకి వస్తాయి. రానున్న రోజుల్లో చల్లటి వాతావరణం నేపథ్యంలో పలు సంస్థలు సఫారీ ట్రిప్స్‌ని టూరిస్టుల కోసం ఏర్పాటు చేస్తుంటాయనీ, వాటి కోసం ఈ ఏర్పాట్లు చేస్తున్నట్లు కస్టమర్‌ హ్యాపీనెస్‌ సెంటర్‌ హెడ్‌, డైరెక్టర్‌ ఆఫ్‌ లైసెన్సింగ్‌ వెహికిల్స్‌ కల్నల్‌ అలి అల్‌ బజౌద్‌ చెప్పారు. టూరిస్టులకు ఎలాంటి ప్రమాదాలూ తలెత్తకుండా నిపుణులైన డ్రైవర్లను ఆయా సంస్థలు ఏర్పాటు చేసుకునేలా లైసెన్సుల ప్రక్రియ ఏర్పాటు చేశామన్నారు. అలాగే సంస్థలకూ లైసెన్సులు ఇవ్వడం ద్వారా టూరిస్టుల భద్రతకు పెద్ద పీట వేస్తున్నామని చెప్పారు. డ్రైవర్లకు స్పెషల్‌ ప్రిపరేషన్‌ వుంటుంది టెస్ట్‌ పాస్‌ అవడానికి. థియరీ, ప్రాక్టికల్‌ ఎగ్జామినేషన్‌ పాస్‌ అవ్వాలి.