యూఏఈలో వాట్సాప్‌ కాలింగ్‌కి అనుమతి లభించిందంటూ జరుగుతున్న ప్రచారాన్ని 'రూమర్‌'గా కొట్టి పారేసింది టెలికమ్యూనికేషన్స్‌ రెగ్యులేటరీ అథారిటీ (టిఆర్‌ఎ). సోషల్‌ మీడియా వేదికగా కొందరు, వాట్సాప్‌ కాలింగ్‌ యూఏఈలో పనిచేస్తోందంటూ పోస్టింగ్స్‌ చేశారు. వైఫై ద్వారా ఈ వాట్సాప్‌ కాలింగ్‌ పనిచేస్తోందని వారు పేర్కొన్నారు. అయితే ఇదంతా ఫేఉక్‌ అని టిఆర్‌ఎ అధికారి ఒకరు పేర్కొన్నారు. ఇలాంటి రూమర్స్‌ని ఎవరూ విశ్వసించరాదని అధికారులు స్పస్టం చేశారు. అయితే దుబాయ్‌కి చెందిన ప్రముఖ బిలియనీర్‌ ఒకరు, విఓఐపి సర్వీసుల్ని అన్‌బ్లాక్‌ చేయాలని, తద్వారా యూఏఈ రెసిడెంట్స్‌ ఉచితంగా వాట్సాప్‌, స్కైప్‌ ద్వారా కాల్స్‌ చేసుకోవడానికి వీలవుతుందని యూఏఈ టెలికమ్యూనికేషన్స్‌ సంస్థలకు పిలుపునిచ్చారు.