ఆసియా కప్:హాంకాంగ్ పై పాక్ ఘన విజయం
- September 16, 2018దుబాయ్: ఆసియా కప్లో పాకిస్థాన్ ఘనంగా బోణీ కొట్టింది. పసికూన హాంకాంగ్పై 8 వికెట్ల తేడాతో ఘన విజయం సాధించింది. 117 పరుగుల లక్ష్యాన్ని 2 వికెట్లు నష్టపోయి 23.4 ఓవర్లలో పాకిస్థాన్ ఛేదించింది. ఆ జట్టు ఓపెనర్ ఇమామ్ ఉల్ హక్ (50; 69 బంతుల్లో 2×4) అజేయంగా నిలిచాడు. ఫకర్ జమాన్ (24; 27 బంతుల్లో 2×4, 1×6), బాబర్ ఆజామ్ (33; 36 బంతుల్లో 3×4, 1×6) ఫర్వాలేదనిపించాడు. షోయబ్ మాలిక్ (9; 11 బంతుల్లో) చివరి వరకు నిలిచాడు. ఛేదనలో జట్టు స్కోరు 41 వద్ద జమాన్, 93 వద్ద బాబర్ ఔటయ్యారు.
అంతకు ముందు పాక్ బౌలర్ల ధాటికి హాంకాంగ్ విలవిల్లాడింది. టాస్ గెలిచి బ్యాటింగ్ ఎంచుకున్న ఆ జట్టును ఉస్మాన్ ఖాన్ (3), హసన్ అలీ (2), షాబాద్ కాన్ (2) తమ బౌలింగ్తో దెబ్బతీశారు. 37.1 ఓవర్లకు 116 పరుగులకు ఆలౌట్ చేశారు. కిన్చిత్ షా (26; 50 బంతుల్లో 1×4), ఐజజ్ ఖాన్ (27; 47 బంతుల్లో 2×4, 1×6) ఫర్వాలేదనిపించారు. హాంకాంగ్ తన తర్వాత మ్యాచ్ను టీమిండియాతో ఆడనుంది.
తాజా వార్తలు
- తిరుమలలో భక్తుల రద్దీ..
- ఫేక్ యాప్స్కు గూగుల్ చెక్
- ఖలిస్థానీ ఉగ్రవాది హత్య కేసు.. ముగ్గురు భారతీయులు అరెస్టు
- బంగారం స్వచ్ఛతను తనిఖీ చేసే ఐదు సులభమైన మార్గాలు
- పలు రాష్ట్రాలకు వర్ష సూచన
- ఎన్నారై తెలుగుదేశం కువైట్ ఆధ్వర్యంలో కువైట్లో విస్తృత ప్రచారం
- అబుదాబి బుక్ ఫెయిర్.. ఉచిత ప్రవేశం ఇలా పొందండి
- యుద్ధ విమానం నడిపిన కృత్రిమ మేధ
- యూఏఈలో 3శాతం పెరిగిన ప్రమాద మరణాలు
- సకాలంలో జీతాలు చెల్లించని కంపెనీలకు తీవ్ర హెచ్చరిక