అనిల్ రావిపూడి దర్శకత్వంలో రూపొందుతున్న చిత్రం 'ఎఫ్ 2'. ఫన్ అండ్ ఫ్ట్రస్టేషన్ అనేది ఈ సినిమాకు ఉప శీర్షిక. విక్టరీ వెంకటేష్, వరుణ్ తేజ్‌లు హీరోలుగా తెరకెక్కుతున్న ఈ మల్టీస్టారర్ చిత్రాన్ని దిల్ రాజు నిర్మిస్తున్నారు. మెహ్రీన్, తమన్నా హీరోయిన్లుగా నటిస్తున్నారు. శరవేగంగా 'ఎఫ్-2' చిత్రీకరణ జరుగుతోంది. కథ ప్రకారం ఈ సినిమా షూటింగు కొంతకాలంగా విదేశాల్లో జరుగుతోంది.

కొన్ని రోజులుగా 'ప్రగ్వే'లో జరుగుతోన్న షెడ్యూల్ ఇప్పుడు పూర్తయ్యింది. అనిల్ రావిపూడి లొకేషన్లో సరదాగా దిగిన ఫోటోలను సోషల్ మీడియాలో పోస్ట్ చేసి ఈ విషయాన్ని తెలిపారు. వెంకీ సరసన తమన్నా, వరుణ్ తేజ్ జోడీగా మెహ్రీన్ నటిస్తోన్న ఈ సినిమాలో, రాజేంద్రప్రసాద్ ఒక కీలకమైన పాత్రలో నటిస్తున్నారు. దిల్ రాజు నిర్మిస్తోన్న ఈ సినిమాకి దేవిశ్రీ ప్రసాద్ సంగీతాన్నిఅందిస్తున్నారు. హ్యాట్రిక్ హిట్ తరువాత అనిల్ రావిపూడి చేస్తోన్న సినిమా కావడంతో, సహజంగానే అందరిలోను అంచనాలు వున్నాయి. వెంకటేష్ వంటి సీనియర్, వరుణ్ తేజ్ వంటి జూనియర్ కాంబోలో రూపొందుతున్న సినిమా కావడంతో ఇది క్రేజీ కాంబోగా నిలుస్తోంది.