మెగాస్టార్ చిరంజీవి 151వ చిత్రం 'సైరా నరసింహారెడ్డి. సురేందర్ రెడ్డి దర్శకత్వంలో తెరకెక్కుతున్న ఈ చిత్రం ప్రస్తుతం జార్జియాలో షూటింగ్ జరుపుకుంటుంది. భారీ యుద్ధ సన్నివేశాలను తెరకెక్కించేందుకు సన్నాహాలు చేసుకుంటున్నారు. ఈ ఎపిసోడ్ కోసం 300 గుర్రాలు,150 మంది జూనియర్ ఆర్టిస్ట్స్‌తో పాటు సీనియర్ నటులు జార్జియా వెళ్ళనున్నట్టు సమాచారం. ఈ చిత్రం వచ్చే ఏడాది వేసవికి విడుదల కానుంది. నయనతార, తమన్నా, ప్రగ్యా జైస్వాల్ నాయికలు. అమితాబ్ బచ్చన్, జగపతిబాబు, సుదీప్, విజయ్ సేతుపతి ఇతర ముఖ్య పాత్రలు పోషిస్తున్నారు.