మనామా: ఓ బహ్రెయినీ వ్యక్తి, 74 ఏళ్ళ తన భార్యను వదిలేశాడు. 30 ఏళ్ళ వయసున్న ఓ ఆసియా మహిళను తాజాగా పెళ్ళి చేసుకున్న ఆ వ్యక్తి (వయసు ఏడు పదుల వున్న వ్యక్తి), తన మొదటి భార్యను ఇంట్లోంచి గెంటేశాడు. దాంతో బాధిత మహిళ న్యాయస్థానాన్ని ఆశ్రయించింది. న్యాయస్థానం, బాధిత మహిళకు అనుకూలంగా తీర్పుని ఇచ్చింది. ఆమెకు, తన భర్త ఇంట్లో వుండే హక్కు వుందనీ, ఆ ఇంట్లో చాలా సామాన్లు ఆమె తన కష్టంతో కొనుగోలు చేసిందని బాధిత మహిళ తరఫు న్యాయవాది చెప్పారు. వయసు రీత్యా అయినా బాధిత మహిళ పట్ల ఆమె భర్త, సానుకూలంగా వ్యవహరించి వుండాల్సిందని న్యాయవాది అల్‌ తమిమి అభిప్రాయపడ్డారు. ఇంట్లోంచి ఆమెను గెంటేయడం అక్రమం, అన్యాయం, నేరమని అల్‌ తమిమి చెప్పారు.