అబుదాబీలో జరిగిన ఓ రోడ్డు ప్రమాదంలో ఓ వ్యక్తికి గాయాలయ్యాయి. 20 ఏళ్ళ ఎమిరేటీ యువకుడు, ఎస్‌యూవీని డ్రైవ్‌ చేస్తూ, అల్‌ దఫ్రా ప్రాంతంలో ఓ వాటర్‌ ట్యాంకర్‌ని ఢీకొనడంతో ఈ ప్రమాదం జరిగింది. ఆపరేషన్స్‌ రూమ్‌కి సమాచారం అందగానే, పెట్రోల్‌ సిబ్బంది సంఘటనా స్థలానికి చేరుకున్నారు. మదినాత్‌ జాయెద్‌ వద్ద ఈ ప్రమాదం చోటు చేసుకుంది. ప్రమాదం జరిగిన వెంటనే అగ్ని కీలలు వ్యాపించి, రెండు వాహనాలూ దహనమయ్యాయి. వాహనదారులు వాహనాలు నడిపే సమయంలో అప్రమత్తంగా వుండాలని అల్‌ దఫ్రా ట్రాఫిక్‌ పెట్రోల్స్‌ డిపార్ట్‌మెంట్‌ డిప్యూటీ డైరెక్టర్‌ లెఫ్టినెంట్‌ కల్నల్‌ సుహైల్‌ సయాహ్‌ అల్‌ మజ్రోయి సూచించారు. సంఘటనా స్థలంలో ట్రాఫిక్‌ సమస్య తలెత్తగా, పోలీసులు రంగంలోకి దిగి పరిస్థితిని చక్కదిద్దారు.