పోర్ట్‌ ఆఫ్‌ జజాన్‌ని టార్గెట్‌గా చేసుకుని హౌతీ మిలీషియా ఏర్పాటు చేసిన ఎక్స్‌ప్లోజివ్‌ బోట్స్‌ని సౌదీ నేవీ ధ్వంసం చేసింది. ఈ విషయాన్ని సంకీర్ణ దళాలకు చెందిన అధికార ప్రతినిథి కల్నల్‌ టుర్కి అల్‌ మాలికి చెప్పారు. రిమోట్‌ కంట్రోల్‌ ఆధారంగా ఎక్స్‌ప్లోజివ్స్‌ గల బోట్లను జజాన్‌ వైపుగా యెమెన్‌ తీవ్రవాదులు నడిపించారు. వాటిని గుర్తించి, తక్షణం ధ్వంసం చేసింది సౌదీ ఆర్మీ. ఇరాన్‌ మద్దతుతో యెమెన్‌లో తీవ్రవాదులు చెలరేగిపోతున్నారు. వారిని నిలువరించే క్రమంలో సంకీర్ణ దళాలు అలుపెరుగని పోరాటం చేస్తున్నాయి. ప్రధానంగా సౌదీని టార్గెట్‌గా చేసుకుని యెమెన్‌ తీవ్రవాదులు విధ్వంస కాండకు వ్యూహరచన చేస్తున్న సంగతి తెల్సిందే.