హైదరాబాద్‌:హజ్‌ యాత్రకు ఈ నెల 15 నుండి దరఖాస్తు ప్రక్రియ ప్రారంభం కానున్నట్లు హజ్‌ కమిటీ అధ్యక్షుడు మసీహుల్లాఖాన్‌ శుక్రవారం వెల్లడించారు. ప్రతీ ఏటా దరఖాస్తు ప్రక్రియ నవంబర్‌లో ప్రారంభమవుతుండగా.. ఈ సారి నెల రోజుల ముందే మొదలు కానుందని తెలిపారు. వచ్చే ఏడాది హజ్‌కు వెళ్లాలనుకునే యాత్రికులు హజ్‌ కమిటీ వెబ్‌సైట్‌ ద్వారా దరఖాస్తు చేసుకోవాలని కోరారు. దీనికి సంబంధించిన మార్గదర్శకాలను కేంద్ర ప్రభుత్వం త్వరలో విడుదల చేయనున్నట్లు పేర్కొన్నారు.