మగువల మనసు దోచే బంగారం గత రెండు రోజులుగా పెరిగి వారిని నిరాశ పరిచాయి. అయితే నేడు భారీగా తగ్గి ఊరిస్తోంది. బంగారు ఆభరణాలంటే మక్కువ చూపే వారు ఈ అవకాశన్ని సద్వినియోగం చేసుకునే నిమిత్తం బంగారం దుకాణాలకు క్యూకడుతున్నారు. నేటి ట్రేడింగ్‌లో స్వచ్ఛమైన బంగారం ధర రూ.250 తగ్గి రూ.31,850కు చేరుకుంది.
వెండి కూడా కిలోకి రూ.100లు తగ్గి రూ.39,250కి చేరుకుంది.

అంతర్జాతీయంగా నెలకొన్న బలహీన పరిస్థితులు మరియు వ్యాపారస్తుల నుంచి వచ్చే ఆర్డర్స్ తగ్గడమే బంగారం ధర పతనానికి కారణమైందని ట్రేడింగ్ వర్గాలు వెల్లడించాయి. న్యూఢిల్లీలో స్వచ్ఛమైన పసిడి ధర రూ.250 తగ్గి రూ.31,850కి చేరుకోగా 99.5 నాణ్యత కలిగిన 10 గ్రాముల బంగారం ధర రూ.31,700గా ఉంది.

అంతర్జాతీయ మార్కెట్లో బంగారం ధర 0.16 శాతం తగ్గి జౌన్సు 1,199.40 డాలర్లు పలికింది. ఇక వెండి కూడా 0.03 శాతం తగ్గి ఔన్స్ 14.64 డాలర్లకు చేరింది.