దుబాయ్:ఈ ఏడాది జిటెక్స్‌ షాపర్‌ నేటితో ముగియనుండడంతో షాపర్స్‌ పోటెత్తారు. కొనుగోలు దార్లతో ఆ ప్రాంతమంతటా సందడిగా మారింది. శుక్రవారం భారీగా జన సందోహం కన్పించింది. దుబాయ్‌ వరల్డ్‌ ట్రేడ్‌ సెంటర్‌ వద్ద పొడవైన క్యూలు షాపర్స్‌తో నిండిపోయాయి. ముఖ్యంగా ఎలక్ట్రానిక్‌ వస్తువులు అతి తక్కువ ధరలకే ఈ జిటెక్స్‌ షాపర్‌లో లభిస్తుండడంతో వాటి పట్ల ఎక్కువమంది ఆకర్షితులవుతున్నారు. మొబైల్‌ ఫోన్లు, ల్యాప్‌టాప్‌లు, ఇతర ఎలక్ట్రానిక్‌ ఐటమ్స్‌ ఎక్కువగా సేల్‌ అవుతున్నట్లు నిర్వాహకులు చెబుతున్నారు. 300 దిర్హామ్‌లపైన ఖర్చు చేసేవారికి ఉచిత పార్కింగ్‌ సౌకర్యం కల్పించడం పట్ల వినియోగదారులు హర్షం వ్యక్తం చేశారు.