యూఏఈ: షార్జా సెంటర్‌ ఫర్‌ ఆస్ట్రానమీ అండ్‌ స్పేస్‌ సైన్సెస్‌, రస్‌ అల్‌ ఖైమాతోపాటుగా నార్తరన్‌ ఎమిరేట్స్‌లో మంగళవారం ఉదయం పలు చోట్ల భూ ప్రకంపనల తీవ్రత నమోదయినట్లు పేర్కొంది. యూఏఈలోని నేషనల్‌ సెంటర్‌ ఫర్‌ మిటియరాలజీ, 2.1 తీవ్రతతో భూప్రకంపనల్ని రికార్డ్‌ చేయడం జరిగింది. సౌత్‌ ఇరాన్‌లోని బందర్‌ అబ్బాస్‌లో భూకంప కేంద్రం వున్నట్లు తెలుస్తోంది. దేశంలోని నార్త్‌ ప్రాంతంలో ప్రజలు భూకంపం తాలూకు ప్రకంపనల అనుభూతికి లోనయ్యారని అధికారులు పేర్కొన్నారు. అయితే, ఈ ప్రకంపనల తీవ్రత చాలా తక్కువేనని ఎన్‌సిఎం వివరించింది.