ఆసియాకి చెందిన ఓ వ్యక్తిని పోలీసులు అరెస్ట్‌ చేశారు. దుబాయ్‌ పోలీసులు ఈ విషయాన్ని వెల్లడించారు. నిందితుడు, తన సహచరుడ్ని కత్తితో అతి కిరాతకంగా పొడిచినట్లు పోలీసులు పేర్కొన్నారు. కేసు వివరాల్లోకి వెళితే, శ్రీలంకకు చెందిన 39 ఏళ్ళ వ్యక్తి, ఉమ్‌ సకీయుమ్‌ బస్‌ స్టేషన్‌ దగ్గర్లో నెత్తుటి మడుగులో పడి వుండగా అతన్ని పోలీసులు గుర్తించారు. వెంటనే, అతని ఆసుపత్రికి తరలించారు. తీవ్రమైన గాయం కారణంగా రక్తం పోయిందని పేర్కొన్న వైద్యులు, అత్యవసర వైద్య చికిత్స ప్రారంభించారు. ఈ కేసు విచారణలో పోలీసులు, ఓ అనుమానితుడ్ని అరెస్ట్‌ చేశారు. బాధితుడి సహచరుడే నిందితుడని పేర్కొన్న పోలీసులు, అతన్ని దుబాయ్‌ పబ్లిక్‌ ప్రాసిక్యూషన్‌కి రిఫర్‌ చేయడం జరిగింది.