యూ.ఏ.ఈ:భారత వలసదారుడు సౌరవ్‌ దేవ్‌, దుబాయ్‌ డ్యూటీ ఫ్రీ రఫాలె విజేతగా నిలిచారు. 1 మిలియన్‌ డాలర్లను ఈ రఫాలెలో ఆయన గెల్చుకున్నారు. దుబాయ్‌లో స్థిరపడ్డ 45 ఏళ్ళ డే, 3070 నెంబర్‌ టిక్కెట్‌ని 284 సిరీస్‌ ద్వారా పొందారు. ఆ టిక్కెట్‌కి బంపర్‌ ప్రైజ్‌ తగిలింది. ఆరేళ్ళుగా సౌరవ్‌ డే దుబాయ్‌లో వుంటున్నారు. ఓ ఇన్స్యూరెన్స్‌ కంపెనీలో ఆయన డిపార్ట్‌మెంట్‌ హెడ్‌గా పనిచేస్తున్నారు. సెప్టెంబర్‌లో కోల్‌కతాకి వెళుతూ దుబాయ్‌ రఫాలె టిక్కెట్‌ని కొనుగోలు చేశారు సౌరవ్‌. ఈ రఫాలెలో మరో ఇద్దరు విజేతలకు లగ్జరీ వాహనాలు దక్కాయి. శ్రీలంక జాతీయుడు సంజీవ నిరంజన్‌, రేంజ్‌ రోవర్‌ హెచ్‌ఎస్‌ఇ 380 హెచ్‌పి వాహనాన్ని గెల్చుకోగా, మరో భారతీయ వలసదారుడు బాబు అజిత్‌ బాబు బిఎండబ్ల్యు ఆర్‌ 1200 ఆర్‌టి మోటార్‌ బైక్‌ని గెల్చుకున్నారు.