యూ.ఏ.ఈ :నాలుగేళ్ళ చిన్నారి, ఓ ప్రైవేట్‌ స్కూల్‌లోని స్విమ్మింగ్‌ పూల్‌లో మునిగి ప్రాణాలు కోల్పోయాడు. షార్జాలో ఈ ప్రమాదం చోటు చేసుకుంది. ఆపరేషన్స్‌ రూమ్‌కి ఉదయం 10.30 నిమిషాల సమయంలో ఈ ఘటనకు సంబంధించిన సమాచారం అందింది. పోలీస్‌ మరియు అంబులెన్స్‌ వెహికిల్స్‌ హుటాహుటిన సంఘటనా స్థలానికి చేరుకున్నాయి. నీట మునిగిన చిన్నారిని వెంటనే ఆసుపత్రికి తరలించారు. అల్‌ కాసిమి ఆసుపత్రి వైద్యులు, చిన్నారిని బతికించేందుకు చేసిన ప్రయత్నాలు ఫలించలేదు. చిన్నారి ఎలా నీట మునిగాడన్నదానిపై స్కూల్‌ యాజమాన్యం నుంచి సరైన సమాచారం అందలేదు. పోలీసులు ఈ కేసును లోతుగా విచారిస్తున్నారు.