మస్కట్‌: అరబ్‌ జాతీయుడైన వలసదారుడొకరు, కసబ్‌ పోర్ట్‌లో గాయపడ్డారు. పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ ఈ విషయాన్ని ధృవీకరించింది. బాధితుడికి తక్షణ వైద్య సహాయం అందించారు. అయితే, ఎలా గాయపడ్డాడన్నదానిపై పిఎసిడిఎ ఖచ్చితమైన సమాచారం అందించలేదు. అరబ్‌ జాతీయుడైన ఓ వలసదారుడు కసబ్‌ పోర్టులో తీవ్రంగా గాయపడినట్లు సమాచారం రావడంతో సంఘటనా స్థలానికి హుటాహుటిన చేరుకుని, తక్షణ వైద్య సహాయం అందించామనీ, అతన్ని ఆసుపత్రికి తరలించామని ఆన్‌లైన్‌లో పేర్కొంది పిఎసిడిఎ. ముసాందం గవర్నరేట్‌ పరిధిలో ఈ ఘటన చోటు చేసుకుంది.