ఎప్పటికప్పుడు కొత్త ఫీచర్లను వినియోగదారులకు అందించే వాట్సాప్‌ ఇప్పుడు మరో అద్భుతమైన ఫీచర్‌తో మందుకొచ్చింది. గ్రూప్‌ కాలింగ్‌లో అంతకుముందు ఎదురైన లోటుపాట్లను అధిగమించి సరికొత్త గ్రూప్‌ కాలింగ్‌ను తెర మీదకు తెచ్చింది. ఇంతకు మందు గ్రూప్ కాలింగ్‌ చేయాలంటే మెదట ఒకరికి కాల్‌ చేసి తర్వాత ఇతరులను కలుపుకొనేవారు. కానీ ఇప్పుడా బాధ తప్పనుంది.
గ్రూప్‌ చాట్‌లో ఒకే ''గ్రూప్‌ కాల్‌''బటన్‌తో ఏకకాలంలో ఎంపిక చేసిన వారిని కాల్‌లోకి తీసుకోవచ్చు. ఈ గ్రూప్‌ కాల్‌ బటన్‌ను ఉపయోగించి ఆడియో, వీడియో కాల్స్‌ను చేసుకునే వీలుంది. అంతేకాకుండా గ్రూప్‌లోని ముగ్గురితో ఒకేసారి చాట్‌ చేసుకోవచ్చు. ఈ గ్రూప్ కాలింగ్‌లో నలుగురికి మాత్రమే అనుమతి ఉంటుంది. వాట్సాప్‌ బీటా వెర్షన్‌ 2.18.110.17లో ఈ సరికొత్త ఫీచర్ను ఇప్పటికే ఐఓస్‌ వినియోగదారులకు అందుబాటులో ఉండగా, ఆండ్రాయిడ్‌ వినియోగదారులకు ఇంకా చేరువ కాలేదు. త్వరలోనే ఈ కొత్త ఫీచర్‌ను ఆండ్రాయిడ్‌ వినియోగదారులకు పరిచయం చేయనుంది.