నూతనంగా నిర్మించిన కన్నూర్ అంతర్జాతీయ విమానాశ్రయాన్ని డిసెంబర్ 9న పౌరవిమానయాన శాఖ మంత్రి సురేశ్ ప్రభు ప్రారంభించనున్నారు. కేరళ సీఎం పినరయ్ విజయన్ కూడా ఈ కార్యక్రమంలో పాల్గొంటారని ఎయిర్‌పోర్ట్ ఎండీ వీ తులసీదాస్ వెల్లడించారు. కన్నూర్ ఇంటర్నేషనల్ ఎయిర్‌పోర్టు లిమిటెడ్ ఈ కొత్త ఎయిర్‌పోర్టును నిర్వహించనుంది. కన్నూర్ విమానాశ్రయం కోచి ఎయిర్‌పోర్టు తర్వాత ప్రభుత్వ, ప్రైవేట్ భాగస్వామ్యంలో నిర్వహించనున్న రెండో గ్రీన్‌ఫీల్డ్ ఎయిర్‌పోర్టు కానుంది. 2,330 ఎకరాల విస్తీర్ణంలో కన్నూర్ ఎయిర్‌పోర్టు నిర్మాణం చేపట్టారు. రన్‌వే పొడవు 3,050 మీటర్లు. 10లక్షలకు పైగా ప్రయాణికులకు సేవలందించనున్నట్లు అంచనా.