హైదరాబాద్‌: కల్యాణ్‌రామ్‌ కథానాయకుడిగా కేవీ గుహన్‌ దర్శకత్వంలో ఓ చిత్రం తెరకెక్కుతోంది. ఈ సినిమాకు '118' అనే ఆసక్తికరమైన టైటిల్‌ను ఖరారు చేస్తూ చిత్రబృందం పోస్టర్‌ను విడుదల చేసింది. ఇందులో కల్యాణ్‌రామ్‌ స్టైలిష్ లుక్‌లో కనిపించనున్నారు. ఈస్ట్‌ కోస్ట్‌ ప్రొడక్షన్స్‌ బ్యానర్‌పై మహేశ్‌ కోనేరు నిర్మిస్తున్నారు. ఇటీవల సినిమా చిత్రీకరణ పూర్తైంది. ప్రస్తుతం నిర్మాణాంతర కార్యక్రమాలు జరుగుతున్నాయి. ఈ చిత్రంలో నివేదా థామస్‌, షాలిని పాండే కథానాయికలుగా నటించారు.

ఇదో ట్రెండీ థ్రిల్లర్‌ నేపథ్యంలో తెరకెక్కుతున్న చిత్రమని చిత్రబృందం వెల్లడించింది. జనవరిలో సినిమాను విడుదల చేయనున్నారు. కల్యాణ్‌రామ్‌ ఇటీవల 'నా నువ్వే' సినిమాతో ప్రేక్షకుల ముందుకు వచ్చారు. తమన్నా కథానాయిక. జయేంద్ర దర్శకుడు.