భారత సింగర్‌ మికా సింగ్‌పై సెక్సువల్‌ హరాష్‌మెంట్‌ ఆరోపణలు వెల్లువెత్తిన విషయం విదితమే. ఈ నేపథ్యంలో ఆయన్ని అదుపులోకి తీసుకున్న పోలీసులు, విచారణ నిమిత్తం కోర్టులో హాజరు పరిచారు. విచారణ అనంతరం పోలీసులు తిరిగి కస్టడీలోకి తీసుకున్నట్లు తెలుస్తోంది. అయితే ఎన్ని రోజులు మికా సింగ్‌, పోలీసుల కస్టడీలో వుంటారన్నదానిపై స్పష్టత లేదు. 17 ఏళ్ళ బ్రెజిలియన్‌ బాలికపై మికా సింగ్‌ లైంగిక వేధింపులకు పాల్పడినట్లు అభియోగాలు మోపబడ్డాయి. న్యాయస్థానంలో హాజరు పరిచే నిమిత్తం అబుదాబీకి తీసుకొచ్చారు పోలీసులు మికాసింగ్‌ని. మికాసింగ్‌ని అరెస్ట్‌ చేశారనీ, అతని విడుదల కోసం తాము ప్రయత్నిస్తున్నామనీ యూఏఈలో ఇండియన్‌ అంబాసిడర్‌ నవదీప్‌సింగ్‌ సూరి చెప్పారు. అయితే, గురువారం రాత్రి మికాసింగ్‌ని విడుదల చేసినట్లు ఎంబసీ పేర్కొంది.