రెసిడెంట్స్‌, టూరిస్ట్స్‌ 42 కిలోల వరకు గోల్డ్‌, గోల్డ్‌ బార్స్‌ గెలిచే అవకాశం.. లగ్జరీ కార్లు, టీవీలు సైతం గెలిచేందుకు వీలు.. ఇదంతా ఐదు వారాల ప్రమోషన్‌ షాపింగ్‌ ఫెస్టివల్‌తో సాధ్యం. దుబాయ్‌ గోల్డ్‌ అండ్‌ జ్యుయెలరీ గ్రూప్‌ (డిజిజెజి), దుబాయ్‌ షాపింగ్‌ ఫెస్టివల్‌ నేపథ్యంలో ఐదు రోజుల ప్రమోషన్‌ని ప్రారంభించింది. డిసెంబర్‌ 26 నుంచి ఫిబ్రవరి 2 వరకు ఈ గోల్డెన్‌ రిటెయిల్‌ మూమెంట్‌ జరుగుతుంది. 300కి పైగా ఔట్‌లెట్స్‌ ఈ క్యాంపెయిన్‌లో పాల్గొననున్నాయి. దుబాయ్‌ గోల్డ్‌ అండ్‌ జ్యుయెలరీ గ్రూప్‌ ఛైర్మన్‌ తావ్‌హిద్‌ అబ్దుల్లా మాట్లాడుతూ, తొలిసారిగా గోల్డ్‌ మరియు డైమండ్‌ క్యాంపెయిన్‌ జరుగుతందనీ, దుబాయ్‌ షాపింగ్‌ ఫెస్టివల్‌కి ఈసారి అత్యధికంగా సందర్శకులు వచ్చేందుకు ఈ ప్రమోషన్‌ ఉపకరిస్తుందని చెప్పారు. గోల్డ్‌ రఫాలె, వీక్లీ డైమండ్‌ రఫాలె వంటివి రిటెయిల్‌ సెక్టార్‌కి ఊతమిస్తాయని, దుబాయ్‌ ఎకానమీకి తమవంతుగా ప్రోత్సాహం అందిస్తున్నామని నిర్వాహకులు తెలిపారు.