హోంగ్‌యున్ ప్రాజెక్ట్ లో భాగంగా చైనా బ్రాడ్‌బ్యాండ్ సేవలను అందించే సామర్థ్యం ఉన్న కమ్యూనికేషన్ శాటిలైట్‌ను విజయవంతగా ప్రయోగించింది. ఈ శాటిలైట్ కు ఆర్కిటిక్ నుంచి అంటార్కిటికా వరకు.. భూమి మొత్తం బ్రాడ్‌బ్యాండ్ సేవలను అందించే సామర్థ్యం కలిగి ఉంది. ఈ శాటిలైట్ ను నార్త్ వెస్ట్ చైనా లోని జిక్వాన్ శాటిలైట్ లాంచ్ సెంటర్ నుంచి లాంగ్ మార్చ్-11 రాకెట్ ద్వారా దీన్ని ప్రయోగించారు. ఇది విజయవంతగా కక్ష్యలోకి ప్రవేశించింది. గూగుల్‌తో పాటు ఇతర అంతర్జాతీయ ఇంటర్నెట్ సంస్థలకు.. ఈ శాటిలైట్ సరికొత్త సవాల్‌ను విసరనున్నది. ఈ శాటిలైట్‌తో ప్రపంచవ్యాప్తంగా బ్రాడ్ బ్యాండ్ సేవలు అందుబాటులోకి వస్తాయి. అంతరిక్ష ఆధారిత కమ్యూనికేషన్ నెట్వర్క్ కోసం గత రెండేళ్లుగా హూంగ్‌యున్ ప్రాజెక్టుపై చైనా పనిచేస్తున్నది. ఉపగ్రహం బరువు 247 కిలోలు. ఇది భూమికి 1100 కిలోమీటర్ల ఎత్తులో భ్రమిస్తుంది. కనీసం ఏడాది పాటు పనిచేసే విధంగా దీన్ని రూపొందించారు. అయితే అధిక సంఖ్యలో హూంగ్‌యున్ ఉపగ్రహాలను తయారు చేసేందుకు చైనా ఏరోస్పేస్ సైన్స్ అండ్ ఇండస్ట్రీ కార్పొరేషన్ సంస్థ పనిచేస్తున్నది.