యూ.ఏ.ఈ:సోషల్‌ మీడియాలో తనను కొందరు ట్రాల్‌ చేస్తుండడంతో తట్టుకోలేక 20 ఏళ్ళ బాలిక ఆత్మహత్యకు యత్నించింది. అయితే పోలీసులు అత్యంత చాకచక్యంగా వ్యవహరించి ఆమెను రక్షించారు. బాధితురాల్ని భారతీయ బాలికగా గుర్తించారు. సోసల్‌ మీడియాలో, ఆత్మహత్య చేసుకుంటున్నట్లు ఓ వీడియో వుంచింది బాధితురాలు. లైవ్‌ స్ట్రీమింగ్‌ ద్వారా తన ఆత్మహత్యను అందరికీ చూపించాలని ఆమె ప్రయత్నించింది. బాధితురాలు షార్జాలోని అల్‌ నహ్దా ప్రాంతానికి చెందిన వ్యక్తి. సమాచారం అందుకోగానే రంగంలోకి దిగిన పోలీసులు, బాధితురాలి లొకేషన్‌ని గుర్తించి, వెంటనే ఆమెను ఆత్మహత్య చేసుకోకుండా ఆపారు. ఆమె ఆత్మహత్యకు యత్నిస్తోందన్న విషయం ఇంట్లో కుటుంబ సభ్యులకు కూడా తెలియదు. పోలీసుల్ని చూసి, బాధితురాలు ఆవేశానికి లోను కాగా, పోలీసులు ఆమెను కూల్‌ చేశారు. తల్లిదండ్రులు, తమ పిల్లల పట్ల జాగ్రత్తగా వ్యవహరించాలని అధికారులు ఈ సందర్భంగా సూచించారు.