కువైట్‌ సిటీ: ఓ వ్యక్తి సీఐడీ అధికారిగా చెప్పుకుని దోపిడీకి పాల్పడినట్లు భారత వలసదారుడొకరు పోలీసులకు ఫిర్యాదు చేశారు. ఫోర్‌ వీల్‌ డ్రైవ్‌ వాహనంలో వచ్చిన ఓ వ్యక్తి, తన ఐడీ కార్డుని చూపించమన్నారనీ, ఆ సమయంలో తాను రోడ్డుపై నడుచుకుంటూ వెళుతున్నానని చెప్పారు. తాను ఐడీ చూపించగా, దాన్ని లాక్కున్న అధికారి రూపంలోని వ్యక్తి, తనవద్దనున్న 380 కువైటీ దినార్స్‌ దోచుకుని పారిపోయినట్లు ఫిర్యాదులో పేర్కొన్నారు బాధితుడు. బాధితుడి ఫిర్యాదుతో కేసు నమోదయ్యింది. నిందితుడి కోసం అన్వేషిస్తున్నట్లు పోలీస్‌ అధికారులు పేర్కొన్నారు.