మంచి నటుడు అనిపించుకొన్న శ్రీ విష్ణు.. హీరోగా నిలదొక్కునే ప్రయత్నంలో ఉన్నాడు. అప్పట్లో ఒకడుండేవాడు, నీది నాది ఒకే కథ, మెంటల్‌ మదిలో లాంటి వైవిధ్యమైన సినిమాలతో ఆకట్టుకొన్నాడు. ఆయన తాజా 'బ్రోచేవారెవరురా'. వివేక్‌ ఆత్రేయ దర్శకుడు. ఈ చిత్ర ఫస్ట్‌లుక్‌ను ఈరోజు విడుదల చేశారు.

ఇదో క్రైమ్‌ థ్రిల్లర్‌. ఇందులో శ్రీ విష్ణుకి జంటగా నివేదా ధామస్‌, నివేదా పేతురాజ్‌లు నటిస్తున్నారు. ఇక ఫస్ట్ లుక్ లో నీలం రంగులో ఉన్న దిష్టిబొమ్మను చూపిస్తూ.. దాని కింద 'ఇరుగు దిష్టి.. పొరుగు దిష్టి..ఊళ్లోవాళ్లందరి దిష్టి ఈ 2019లో మీకెవ్వరికీ తగలకూడదని ఆశిస్తూ శుభంభూయాత్' అని రాశారు. ఆకట్టుకొనేలా ఉన్న ఫస్ట్ లుక్ పై మీరు ఓ లుక్కేయండీ.. !