తెలుగు ఇండస్ట్రీలో ఒకప్పుడు విలన్ గా ఎంట్రీ ఇచ్చి 'అంకుశం'చిత్రంతో యాంగ్రీ యంగ్ మాన్ గా పేరు తెచ్చుకున్నారు డాక్టర్ రాజశేఖర్. ఆ తర్వాత ఎన్నో యాక్షన్ చిత్రాల్లో నటించిన రాజశేఖర్ ఫ్యామిలీ హీరోగా మారారు. తన సహనటి జీవితను వివాహం చేసుకున్న తర్వాత పలు చిత్రాలు కూడా నిర్మించారు. రాజశేఖర్ నటించిన చిత్రాలు వరుసగా డిజాస్టర్స్ కావడంతో కొంత కాలం ఇండస్ట్రీకి దూరంగా ఉంటూ వచ్చారు. ఆ మద్య 'గరుడ వేగ' లాంటి యాక్షన్ చిత్రంతో రీ ఎంట్రీ ఇచ్చిన రాజశేఖర్ మంచి విజయాన్ని అందుకున్నారు.

'గరుడ వేగ' హిట్ తరువాత మంచి కథ కోసం వెయిట్ చేస్తూ రాజశేఖర్ కొంత గ్యాప్ తీసుకున్నారు. ప్రశాంత్ వర్మ వినిపించిన ఈ కథ నచ్చడంతోనే మరోచిత్రానికి సిద్దమయ్యారు. ఈ చిత్రం టైటిల్ 'కల్కి' దీనికి సంబంధించిన లోగో ఆ మద్య రిలీజ్ చేశారు. వైవిధ్యభరితమైన కథాకథనాలతో రాజశేఖర్ యాక్షన్ మార్క్ తో కూడినదిగా ఈ చిత్రం ఉండబోతుందట.
 
ప్రముఖ నిర్మాత సి. కల్యాణ్ తో కలిసి రాజశేఖర్ ఈ చిత్రాన్ని నిర్మిస్తున్నారు. న్యూ ఇయర్ సందర్భాన్ని పురస్కరించుకుని, రేపు సాయంత్రం 5 గంటలకు ఈ చిత్రం ఫస్టులుక్ ను రిలీజ్ చేయనున్నారు. ఈ చిత్రం కూడా తనకి హిట్ ఇస్తుందనే పూర్తి నమ్మకంతో రాజశేఖర్ వున్నారు.