హిద్‌ ప్రాంతంలో ఓ వైల్డ్‌ క్యాట్‌ కొంత అలజడిని సృష్టించింది. వైల్డ్‌ క్యాట్‌, తాను పెంచుకుంటున్న వ్యక్తి నుంచి జారుకుని, ఇతర ప్రాంతాల్లో తిరుగుతూ ప్రజల్ని ఆందోళనకు గురిచేసింది. దాన్ని చూసి చీటాగా భావించిన స్థానికులు ఆందోళన చెంది పోలీసులకు సమాచారం ఇచ్చారు. లిన్‌క్స్‌గా పిలిచే ఈ వైల్డ్‌ క్యాట్‌కి పొట్టిగా వుండే తోక వుంటుంది. ఎక్కువగా ఇది జనం సంచరించే చోట వుండదు. చిన్న జంతువుల్ని వేటాడుతుంది తప్ప, మానవులకు హాని చేయదని నిపుణులు అభిప్రాయపడుతున్నారు. ప్రజల ఆందోళన నేపథ్యంలో అధికారులు రంగంలోకి దిగి, లార్జ్‌ వైల్డ్‌ క్యాట్‌ని పట్టుకున్నారు.