దోహా: ఇండియన్‌ లో కాస్ట్‌ క్యారియర్‌ ఇండిగో, ఖతార్‌ నుంచి ఇండియాలోని తమ తొమ్మిదవ డెస్టినేషన్‌కి విమానాల్ని ప్రారంభించనుంది. మార్చి 15 నుంచి ఈ రోజువారీ విమానం అందుబాటులోకి వస్తుంది. కేరళలోని కన్నూర్‌ విమానాశ్రయానికి కొత్తగా విమానాలు నడపనున్నట్లు ఇండిగో పేర్కొంది. 2018 డిసెంబర్‌ నుంచి కన్నూర్‌ విమానాశ్రయం ఆపరేషన్స్‌ ప్రారంభమయ్యాయి. ప్రస్తుతానికి ఎయిర్‌ ఇండియా ఎక్స్‌ప్రెస్‌ వారంలో రెండు రోజులపాటు సర్వీసుల్ని దోహా - కన్నూర్‌ సెక్టార్‌లో నడుపుతోంది. ఇండిగో నడిపే విమానాలు దోహాలో రాత్రి 10.05 నిమిషాలకు బయల్దేరి, కన్నూర్‌కి ఉదయం 4.55 (స్థానిక సమయం) నిమిషాలకు చేరుకుంటుంది. తిరుగు ప్రయాణంలో కన్నూర్‌ నుంచి రాత్రి 7.05 నిమిషాలకు ప్రారంభమై, దోహాలో రాత్రి 9.05 నిమిషాలకు చేరుకుంటుంది.