ఇద్దరు ఎమిరేటీలు వాడి అల్‌ బిహ్‌ ప్రాంతంలోని డీప్‌ మౌంటెయిన్‌ స్లోప్‌లో ఇరుక్కుపోగా, వారిని రస్‌ అల్‌ ఖైమా పోలీసులు అత్యంత చాకచక్యంగా రక్షించారు. సోమవారం రాత్రి ఈ ఘటనకు సంబంధించిన సమాచారం పోలీసులకు అందింది. అంబులెన్స్‌ సాయంతో సహాయక బృందాలు సంఘటనా స్థలానికి చేరుకున్నాయి. 50 మీటర్ల దిగువన వారిని గుర్తించిన పోలీసులు, అత్యంత చాకచక్యంగా కాపాడి, అవసరమైన వైద్య చికిత్స అందించారు. రస్‌ అల్‌ ఖైమా నిర్వాసితులైన ఆ ఇద్దరూ ఆహ్లాదకర వాతావరణాన్ని ఎంజాయ్‌ చేసేందుకు వచ్చినట్లు పోలీసులు తెలిపారు. ఇలాంటి సాహసోపేతమైన చర్యలకు దిగేటప్పుడు తగిన జాగ్రత్త చర్యలు తీసుకోవాలని అధికారులు సూచించారు.