కువైటీ కోర్టు, అపోజిషన్‌కి చెందిన రాజకీయ నాయకుడికి ఏడేళ్ళ జైలు శిక్ష విధించింది. భార్యకు విడాకులు ఇవ్వకుండా ఇంకో మహిళతో వివాహేతర సంబంధం కొనసాగిస్తున్నందుకుగాను ఈ శిక్ష విధించింది న్యాయస్థానం. మరో కేసులో ఇప్పటికే నిందితుడికి 42 ఏళ్ళ జైలు శిక్ష విధించింది. ప్రస్తుతం నిందితుడు వలీద్‌ అల్‌ తబ్తాబయ్‌ కువైట్‌ వెలుపల ఉన్నారు. బాధితురాలి ఫిర్యాదు మేరకు విచారణ జరిపిన పోలీసులు, కేసు నమోదు చేశారు. విచారణ సందర్భంగా నిందితుడిపై ఆరోపణలు నిజమేనని తేల్చిన న్యాయస్థానం నిందితుడికి జైలు శిక్ష ఖరారు చేసింది. బాధితురాలు పోలీసులకు ఫిర్యాదు చేసిన తర్వాత నిందితుడు, డివోర్స్‌కి అప్లయ్‌ చేసి, డివోర్స్‌ పొందినట్లు న్యాయవాది చెబుతున్నారు.