వేడి సెగల మధ్యలో ఇరుక్కొని
తడారిన గొంతుతో 
నిన్ను ఆశ్రయం అర్థించినప్పుడు 
నీ పచ్చని చేతుల్లో సేద దీర్చి 
చనుబాల లాంటి నీ మధుర ఫలాల
రసాలు మాకు పట్టించి 
మారిన కాల గమనపు విష వాయువుల
మధ్య ఊపిరి ఆడక కొట్టుకు చస్తున్నప్పుడు 
మాకు సహజ వాయువు ప్రసాదించి 
మా ఆగిన శ్వాసను అతికించు నువ్వు
అవసరానికి ఆవలి తీరం చేర్చి నువ్వు 
నీ ఎముకలతో నీటిలో తేలి సర్వ విధాలా 
మాకు జీవన భృతి కలిగించే 
వృక్ష రాజానివి జగద్రక్ష అయిన నువ్వు 
చిరిగిన మా పర్యావరణం సాక్షిగా మాకు 
అత్యవసర శ్వాసవి కావాలిప్పుడు ......

--జయ రెడ్డి బోడ(అబుధాబి)