బహ్రెయిన్‌: సనాబిస్‌ ప్రాంతంలో ఓ బాలుడిపై స్ట్రే డాగ్‌ దాడి చేసింది. ఈ దాడిలో బాలుడికి గాయలయ్యాయి. తన స్నేహితులతో కలిసి ఇంటి బయట ఆ బాలుడు ఆడుకుంటుండగా ఈ ఘటన జరిగింది. కుక్కల మంద ఒకటి బాలుడిపై దాడి చేసినట్లు ప్రత్యక్ష సాక్షులు చెబుతున్నారు. బాలుడిపై కుక్కల దాడి అనంతరం గాయపడ్డ బాలుడ్ని వెంటనే సల్మానియా మెడికల్‌ కాంప్లెక్స్‌కి తరలించారు. ఈ ప్రాంతంలో స్ట్రే డాగ్స్‌ సమస్య తీవ్రంగా వుందంటూ పలుమార్లు ఫిర్యాదు చేసినా ఫలితం లేకుండా పోయిందని రెసిడెంట్స్‌ అంటున్నారు. అయితే యానిమల్‌ లవర్స్‌ మాత్రం, స్ట్రే డాగ్స్‌కి వ్యతిరేకంగా రెసిడెంట్స్‌ మాట్లాడడం సబబు కాదనీ, తగు జాగ్రత్తలు తీసుకుంటే ఇలాంటి ప్రమాదాలు జరగవని అంటున్నారు. స్ట్రే డాగ్స్‌ పట్ల అప్రమత్తంగా వుండాలనీ, అదే సమయంలో వాటి పట్ల జాలి చూపించాలని చెబుతున్నారు యానిమల్‌ లవర్స్‌.