మస్కట్‌: 10 ఏళ్ళ ఇండియన్‌ గర్ల్‌, హార్ట్‌ ఫెయిల్యూర్‌ కారణంగా ప్రాణాలు కోల్పోయింది. వైద్యులు ఎంతలా ప్రయత్నించినా ఆమె ప్రాణాల్ని కాపాడలేకపోయారు. ఫిబ్రవరి 7న ఈ ఘటన చోటు చేసుకుంది. పుట్టుకతోనే చిన్నారి గుండెలో రెండు రంధ్రాల్ని గుర్తించారు వైద్యులు. ఆ తర్వాత ఆమెకు వైద్య చికిత్స అందించారు. 2008 సెప్టెంబర్‌ 22న జన్మించిన అయేషా, ఆ తర్వాత అప్పుడప్పుడూ ఛాతి నొప్పితో బాధపడుతూ వచ్చేది. కాగా, వున్నపళంగా ఛాతీ నొప్పి అధికం కావడంతో ఆమెను సమీపంలోని ఆసుపరతికి తరలించారు. అయితే వైద్యులు చేసిన ప్రయత్నాలు విఫలమయ్యాయి. విద్యార్థిని మృతి పట్ల ఇండియన్‌ స్కూల్‌ అల్‌ మాబెలా యాజమాన్యం తీవ్ర సంతాపం వ్యక్తం చేసింది. తన కుమార్తెలా ఎవరూ అర్థాంతరంగా తనువు చాలించకూడదనీ, పుట్టకతో వచ్చే అనారోగ్య సమస్యల పట్ల అప్రమత్తంగా వుండాలని బాధిత చిన్నారి తండ్రి పేర్కొన్నారు.