జనరల్‌ డైరెక్టరేట్‌ ఆఫ్‌ రెసిడెన్నీ అండ్‌ ఫారినర్స్‌ ఎఫైర్స్‌ దుబాయ్‌ (జిడిఆర్‌ఎఫ్‌ఎ - దుబాయ్‌) మిడిల్‌ ఈస్ట్‌లోనూ, ప్రపంచంలోనూ తొలసారిగా వికలాంగులకు ప్రత్యేక సౌకర్యాలు అందించనున్నట్లు వెల్లడించింది. డైరెక్టర్‌ జనరల్‌ జిడిఆర్‌ఎఫ్‌-దుబాయ్‌ మేజర్‌ జనరల్‌ మహమ్మద్‌ అహ్మద్‌ అల్‌ మర్రి మాట్లాడుతూ, దుబాయ్‌ వికలాంగులకు ఏ్నహపూర్వకమైన సిటీగా 2020 నాటికి అవతరించనుందని, ఆ దిశగా అడుగులు వేస్తున్నామని అన్నారు. అల్‌ మర్రి మాట్లాడుతూ, వికలాంగులకు ఎయిర్‌పోర్టుల్లో ఇబ్బందులు సర్వసాధారణమనీ, అయితే జిడిఆర్‌ఎఫ్‌ఎ-దుబాయ్‌ వికలాంగుల కోసం ప్రత్యేక కౌంటర్లను ఏర్పాటు చేసిందని చెప్పారు. ప్రతి టెర్మినల్‌లోనూ స్పెషల్‌ కౌంటర్లను ఎరైవల్‌, డిపాచ్యుర్‌లో ఏర్పాటు చేశామన్నారు. కౌంటర్లు వికలాంగులకు వీలుగా ఉండేలా తగినంత వెడల్పుతో, ఎత్తుతో రూపొందించామన్నారు. కేవలం 18 సెకన్లలో వికలాంగులు తమ ప్రాసెస్‌ని పూర్తి చేసుకోవచ్చని చెప్పారాయన. అలాగే, వికలాంగులైన ప్రయాణీకులకు అన్ని రకాలుగా సహాయపడేందుకు సిబ్బందిని కూడా నియమించారు. దీనికోసం 20 మంది శిక్షణ పొందిన అధికారుల్ని వినియోగిస్తున్నారు.