రియాద్‌:సౌదీ రాజధాని రియాద్‌, గ్లోబల్‌ ఏవియేషన్‌ సమ్మిట్‌ 2019కి ఆతిథ్యం ఇవ్వబోతోంది. ఏప్రిల్‌లో ఈ ఈవెంట్‌ జరుగుతుంది. మినిస్టర్‌ ఆఫ్‌ ట్రాన్స్‌పోర్ట్‌, చైర్మన్‌ ఆఫ్‌ జనరల్‌ అథారిటీ ఫర్‌ సివిల్‌ ఏవియేషన్‌ నబిల్‌ అల్‌ అమౌది మాట్లాడుతూ, కింగ్‌ సల్మాన్‌ ఏవియేషన్‌ సెక్టార్‌కి అందిస్తున్న మద్దతు చాలా గొప్పదని కొనియాడారు. కింగ్‌ పర్యవేక్షణలో ఏప్రిల్‌ 1 మరియు 2 తేదీల్లో రిట్జ్‌ కార్ల్‌టన్‌ - రియాద్‌లో జరుగుతుందని అన్నారు. ఎయిర్‌ ట్రాన్స్‌పోర్ట్‌ విభాగంలో సౌదీ అరేబియా మరిన్ని ఉన్నత శిఖరాల్ని అధిరోహించేందుకు ఈ సమ్మిట్‌ ఎంతగానో ఉపయోగపడ్తుందని చెప్పారాయన. పలు అంతర్జాతీయ అంశాలు ఈ వేదికపై చర్చకు వస్తాయి. ప్రధానంగా సేఫ్టీ, సెక్యూరిటీ, ఎన్విరాన్‌మెంటల్‌ ప్రొటక్షన్‌, ఇన్నోవేషన్‌ మరియు ఏవియేషన్‌ టెక్నాలజీ తదితర అంశాలపై స్పెషల్‌ ఫోకస్‌ పెట్టనున్నారు.