మస్కట్‌: సుల్తానేట్‌లోని పలు ప్రాంతాల్లో దుమ్ముతో కూడిన బలమైన గాలులు నమోదయ్యాయి. ఈ కారణంగా విజిబిలిటీ గణనీయంగా పడిపోయినట్లు పబ్లిక్‌ అథారిటీ ఫర్‌ సివిల్‌ ఏవియేషన్‌ వెల్లడించింది. సదరన్‌ విండ్స్‌ కొనసాగుతాయనీ, ఈ కారణంగా రానున్న రెండు రోజుల్లో పరిస్థితులు ఇలాగే వుండొచ్చనీ, కొన్ని చోట్ల పరిస్థితి మరింత తీవ్రంగా వుంటుందని పిఎసిఎ హెచ్చరించింది. గాలుల వేగం 20 నుంచి 30 నాట్స్‌ వరకు వుండొచ్చు. శనివారం కూడా 20 నుంచి 30 నాట్స్‌ వేగంతో గాలులు వీస్తాయనీ, ఆదివారం 15 నుంచి 20 నాట్స్‌ వేగానికి గాలుల తీవ్రత తగ్గవచ్చుననీ అంచనా వేస్తున్నారు.