మస్కట్‌: భారతదేశానికి చెందిన గో-ఎయిర్‌, కన్నూర్‌ అంతర్జాతీయ విమానాశ్రయం నుంచి మస్కట్‌కి విమాన సర్వీసుల్ని ప్రారంభించింది. కన్నూర్‌ నుంచి మస్కట్‌కి వారంలో మూడు విమానాల్ని నడిపేందుకు గో-ఎయిర్‌ సన్నాహాలు చేసినట్లు సంస్థ వర్గాలు వెల్లడించాయి. గో-ఎయిర్‌ సేవలు ప్రారంభమవడం పట్ల హర్షం వ్యక్తం చేసిన ఒమన్‌ ఎయిర్‌ పోర్ట్స్‌, గో ఎయిర్‌ ఇండియా ఎయిర్‌లైన్స్‌ మస్కట్‌ ఇంటర్నేషనల్‌ ఎయిర్‌పోర్ట్‌ కుటుంబంలో చేరడం ఆనందంగా వుందని చెప్పారు. మార్చి 1న మస్కట్‌ విమానాశ్రయానికి గో-ఎయిర్‌ విమానం చేరుకుందని అధికారులు తెలిపారు. కన్నూర్‌ నుంచి మస్కట్‌కి, మస్కట్‌ నుంచి న్నూర్‌కి వారంలో మూడుసార్లు విమానాలు తిరగనున్నాయి.