అబుదాబీ బిగ్‌ టికెట్‌ రాఫెల్ లో 12 మిలియన్‌ దిర్హామ్‌లు గెల్చుకున్నారు భారతదేశానికి చెందిన రాగీ జార్జ్‌. కేరళలోని అలప్పుజాకి చెందిన రాగీ జార్జ్‌, కువైట్‌లో నివసిస్తున్నారు. అబుదాబీ ఇంటర్నేషనల్‌ ఎయిర్‌పోర్ట్‌ నుంచి రాఫెల్ ను నిర్వహించిన రిచార్డ్‌ ఈ విషయాన్ని చెప్పగానే, రాగీ జార్జ్‌ అస్సలేమాత్రం ఈ విషయాన్ని నమ్మలేకపోయారట. ఈ ఏడాది వరుసగా రెండు నెలల్లోనూ కేరళకు చెందినవారే మెగా ప్రైజ్‌ని గెలుస్తూ వస్తున్నారు. కాగా, తాను 12 ఏళ్ళ నుంచీ కువైట్‌లో నివసిస్తున్నాననీ, తన కుమార్తె 10వ గ్రేడ్‌ చదువుతోందనీ, మరో ఏడాది రెండేళ్ళలో ఇండియాకి వెళదామనుకున్నామనీ జార్జ్‌ చెప్పారు. ఓ ప్రైవేటు సంస్థలో పర్చేజ్‌ డిపార్ట్‌మెంట్‌ సూపర్‌వైజర్‌గా జార్జ్‌ విధులు నిర్వహిస్తున్నారు.