దోహా: మూడవ ఎడిషన్‌ ఎస్పైర్‌ ఇంటర్నేషనల్‌ కైట్‌ ఫెస్టివల్‌ ప్రారంభమయ్యింది. ఎస్పైర్‌ పార్క్‌ వద్ద ఏర్పాటయిన ఈ కార్యక్రమంలో 18 దేశాలకు చెందిన కైట్‌ ఫ్లయర్స్‌ పాల్గొన్నారు. ఈ ఫెస్టివల్‌కి అధికారిక స్పాన్సరర్‌గా వ్యవహరిస్తున్నట్లు ఓరెడూ ప్రకటించింది. వేలాది మంది ప్రజలు ఈ కార్యక్రమాన్ని ఆసక్తికరంగా తిలకించేందుకు, కార్యక్రమంలో పాల్గొనేందుకు వచ్చారు. వచ్చినవారిలో మహిళలు, పిల్లలు కూడా ఎక్కువగా వున్నారు. 40,000 మంది విజిటర్స్‌, 500 మంది స్టూడెంట్స్‌ ఈ ఫెస్టివల్‌లో పాల్గొంటారని అంచనా. మొత్తం నాలుగు రోజులపాటు ఈ ఫెస్టివల్‌ జరుగుతుంది. వివిధ రంగుల్లో, రకరకాల రూపాల్లో కైట్స్‌ (పతంగులు - గాలి పటాలు) ఆకాశంలో కనువిందు చేస్తోంటే పిల్లలూ పెద్దలూ వాటిని చూసి కేరింతలు కొడుతున్నారు. పుడ్‌ ట్రక్స్‌, పేరేడ్‌ మరియు ఎంటర్‌టైన్‌మెంట్‌, స్టూడెంట్‌ యాక్టివిటీస్‌, వర్క్‌ షాప్స్‌ వంటివి కూడా ఇక్కడ ఏర్పాటు చేశారు.