మస్కట్‌: మస్కట్‌ గవర్నరేట్‌ పరిధిలోని సీబ్‌ బీచ్‌ వద్ద సుర్‌ అల్‌ హదిద్‌ బీచ్‌ కార్నివాల్‌ ప్రారంభమయ్యింది. మధ్యాహ్నం 3 గంటల నుంచి రాత్రి 12 గంటల వరకు కార్నివాల్‌ వుంటుంది. మస్కట్‌ మునిసిపాలిటీ ఈ మేరకు ఓ ప్రకటనలో పేర్కొంది. కార్నివాల్‌లో రెస్టారెంట్స్‌, కేఫ్స్‌, షాపింగ్‌ కార్నర్‌, ఎంటర్‌టైన్‌మెంట్‌ షోస్‌, స్పోర్ట్స్‌ కాంపిటీషన్స్‌ అలాగే బీచ్‌ గేమ్స్‌ ఆహూతుల్ని అలరిస్తాయి. ఒమన్‌లో తొలి బీచ్‌ ఈవెంట్‌ అయిన ఈ ఫెస్టివల్‌ని మస్కట్‌ మునిసిపాలిటీ - మినిస్ట్రీ ఆఫ్‌ టూరిజం - ఒమన్‌ టూరిజం డెవలప్‌మెంట్‌ కంపెనీ సంయుక్తంగా నిర్వహిస్తున్నాయి. డొమెస్టిక్‌ టూరిజంని ప్రోత్సహించే క్రమంలో ఈ ఈవెంట్‌ని నిర్వహిస్తున్నారు. అల్‌ సీబ్‌ క్లబ్‌ నిర్వహించే బీచ్‌ వాలీబాల్‌ టోర్నమెంట్‌ ఈ ఈవెంట్‌లో మరో ప్రధాన ఆకర్షణ. జెట్‌ స్కీయింగ్‌, బనానా బోట్‌ రైడింగ్‌, కయాకింగ్‌ వంటి ఆకర్షణలూ వున్నాయి.