సౌదీ అరేబియా రాయల్‌ ఎయిర్‌ డిఫెన్స్‌ ఫోర్స్‌, హైతీ డ్రోన్‌ని కూల్చివేయడం జరిగింది. సౌదీ లెడ్‌ అరబ్‌ కోలిషన్‌ అధికార ప్రతినిథి కల్నల్‌ టుర్కి అల్‌ మలికి మాట్లాడుతూ, అభా సిటీలోని రెసిడెన్షియల్‌ ఏరియాని లక్ష్యంగా చేసుకుని హౌతీ తీవ్రవాదులు ఈ డ్రోన్‌ని సంధించారని చెప్పారు. శకలాల్ని పరిశీలించిన తర్వాత అది ఇరాన్‌లో తయారైనట్లుగా గుర్తించామని చెప్పారు కల్నల్‌ టుర్కి. ఈ ఘటనలో నలుగురు సౌదీ జాతీయులకు గాయాలు కాగా, ఓ భారతీయ వ్యక్తికీ గాయాలయ్యాయి. గాయపడ్డవారిలో ఒక మహిళ వున్నారు. ఆరు వాహనాలు, పలు ఇళ్ళు కూడా ఈ దాడిలో డ్యామేజ్‌కి గురయ్యాయి.