మెగా వారసురాలు పిలిస్తే రాకుండా ఎలా ఉంటారు ఎవరైనా. మరి అంతటి అభిమానం ఆ ఫ్యామిలీ పట్ల విజయ్ దేవర కొండకి. హ్యాపీ వెడ్డింగ్ తర్వాత నీహారిక నటించిన చిత్రం సూర్యకాంతం. ఈ చిత్రంలో రాహుల్ విజయ్‌తో జోడీ కట్టింది నీహారిక. మార్చి 29న ప్రేక్షకుల ముందుకు తీసుకు రావడానికి సన్నాహాలు చేస్తోంది చిత్ర యూనిట్.

 
కాగా, శనివారం ఈ చిత్రం ప్రీ రిలీజ్ వేడుకను నిర్వహిస్తున్నారు. ఈ ఈవెంట్‌కు ముఖ్య అతిధిగా విజయ్ దేవరకొండ వస్తున్నారు. ఈ కార్యక్రమంలో పాల్గొనేందుకు చిత్ర బృందం అభిమానులకు అవకాశం ఇచ్చింది. సూర్యకాంతం సినిమాలో నచ్చిన డైలాగ్‌తో డబ్ స్మాష్ లేదా టిక్ టాక్ చేసి పంపమని కోరింది. ఇందులో కొందరు ప్రీ రిలీజ్ కార్యక్రమానికి వచ్చే ఛాన్స్‌ను సొంతం చేసుకోవచ్చని పేర్కొంది.