యూఏఈ ప్రైమ్‌ మినిస్టర్‌, దుబాయ్‌ రూలర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, ఆసుపత్రిలో వైద్య చికిత్స పొందుతోన్న ఫుట్‌ బాల్‌ ఆటగాడ్ని పరామర్శించారు. ఓ ఫ్రెండ్లీ మ్యాచ్‌ సందర్భంగా మైదానంలోనే వున్న ఓ బిగ్‌ పోల్‌ని ఢీకొని అల్‌ జజీరా ఆటగాడు అహ్మద్‌ రబీ తీవ్రంగా గాయపడ్డారు. దుబాయ్‌లోని రషీద్‌ ఆసుపత్రిలో అతనికి వైద్య చికిత్స అందుతోంది. ఈ నేపథ్యంలో రబీని రూలర్‌ పరామర్శించారు. ఈ వీడియో సోషల్‌ మీడియాలో వైరల్‌గా మారింది. రబీని రూలర్‌ పరామర్శిస్తున్న దృశ్యాలు, గాయపడ్డ దృశ్యాలు అందులో కనిపిస్తున్నాయి. స్పోర్ట్స్‌ ఫెసిలిటీస్‌ వద్ద ప్రమాదాలకు తావు లేకుండా తగిన చర్యలు చేపట్టాలని సంబంధిత శాఖలకు రూలర్‌ ఆదేశాలు జారీ చేశారు.