కువైట్‌ సిటీ: ఆసియాకి చెందిన వలసదారుడి మీతదేహం యుమ్‌ అల్‌ బహర్‌ హెరిటేజ్‌ విలేజ్‌ దగ్గరలో బీచ్‌ వద్ద పాడైపోయిన స్థితిలో లభ్యమయ్యింది. కువైట్‌ ఫైర్‌ సర్వీస్‌ డైరెక్టరేట్‌ వెల్లడించిన వివరాల ప్రకారం, కంట్రోల్‌ రూమ్‌కి సమాచారం అందగానే, సంఘటనా స్థలానికి చేరుకుని, మృతదేహాన్ని ఫోరెన్సిక్‌ డిపార్ట్‌మెంట్‌కి తరలించారు. ప్రాథమిక విచారణ సందర్భంగా మృతుడ్ని ఆసియా వలసదారుడిగా గుర్తించారు. ఆ వ్యక్తి ఎందుకు ఎలా మృతి చెందాడన్నదానిపై పూర్తి విచారణలో వాస్తవాలు వెలుగు చూడనున్నాయి.