మెగా కుటుంబం నుంచి సాయిధరమ్‌ తేజ్‌ సోదరుడు వైష్ణవ్‌ తేజ్‌ కథానాయకుడిగా పరిచయం కాబోతున్న సంగతి తెలిసిందే. బుచ్చిబాబు ఈ సినిమాకు దర్శకత్వం వహిస్తున్నారు. మైత్రీ మూవీ మేకర్స్‌ సంస్థతో కలిసి సుకుమార్‌ ఈ సినిమాను నిర్మిస్తున్నారు. దేవిశ్రీ ప్రసాద్‌ సినిమాకు బాణీలు అందిస్తున్నారు. ఇటీవల ఈ సినిమా షూటింగ్‌ ప్రారంభమైంది. ప్రీలుక్‌ను కూడా విడుదల చేశారు. సినిమాలో మిగిలిన నటీనటుల వివరాలు తెలియాల్సి ఉంది. కాగా ఇందులో తమిళ స్టార్‌ హీరో విజయ్‌ సేతుపతి కీలక పాత్ర పోషిస్తున్నారు. ఈ విషయాన్ని చిత్ర బృందం శనివారం ప్రకటించింది. యూనిట్‌లోకి ఆయన్ను స్వాగతిస్తూ పోస్టర్‌ విడుదల చేసింది. ఇందులో విజయ్‌ ప్రతినాయకుడి పాత్రను పోషించబోతున్నారు. 'సైరా నరసింహారెడ్డి' తర్వాత ఆయన తెలుగులో నటిస్తున్న రెండో సినిమా ఇది కావడం విశేషం.