మెగాస్టార్ చిరంజీవి ‘సైరా నరసింహారెడ్డి’ చిత్రానికి సంబంధిచిన సెట్‌లో భారీ అగ్నిప్రమాదం జరిగింది. హైదరాబాద్ శివారులోని కోకాపేటలో ఉన్న అల్లు అరవింద్ ఫాంహౌస్‌లో ఈ సెట్ ఉంది. నిన్న రాత్రి సమయంలో ఉన్నట్టుండి ఒక్కసారిగా మంటలు చెలరేగాయి. చిత్ర యూనిట్ అప్రమత్తమై మంటలు ఆర్పేలోపే చాలా నష్టం వాటిల్లింది. ఫైరింజన్ కూడా వచ్చి మంటలు ఆర్పేసరికి.. సెట్‌లో చాలా భాగం కాలిపోయింది. ఈ ఘటనలో 2 కోట్ల రూపాయల వరకూ ఆస్తినష్టం వాటిల్లినట్టు తెలుస్తోంది. మెగాస్టార్ చిరంజీవి హీరోగా.. సురేందర్‌రెడ్డి దర్శకత్వంలో అత్యంత భారీ బడ్జెట్‌తో ఈ సినిమా తెరకెక్కుతోంది. ఈ ప్రమాదం కారణంగా మిగతా షూటింగ్‌కి ఏమైనా ఇబ్బంది ఉందా.. అన్నదానిపై క్లారిటీ రావాల్సి ఉంది. ప్రొడ్యూసర్‌ రామ్‌చరణ్‌ కూడా ప్రమాదానికి గల కారణాలపై మీడియాతో మాట్లాడలేదు. దీంతో.. మెగా అభిమానుల్లో ఆందోళన నెలకొంది.